: طرق جديدة لعمل المشروم

بصي يا سيتي انا واحده مدمنه مشروم تقريبا بحطو على كل حاجه يمكن ناقصني اني اعملو عصير
ابتسامات

1- طبعا شوربه كريمه بالمشروم وساعات بحط عليها قطع فراخ

2- انا بعمل الشيش طاووق عادي كده على النار مش مشوي يعني بحطو في طاسه و مشروم و فلفل و طماطم وكاري و اي حاجه عندي ممكن تتحط عليه و قبل ما اعملو سندوتشات و هوا لسه على النار بحط جبنه موتزيرلا

3- بعمل الجلاش بدل اللحمه المفرومه بالجبنه الرومي و الفلفل الاخضر و طبعا المشروم و زيتون اخضر حلقات جربي دي جامده جدا

4- اللحمه البفتيك او الفراخ البانيه بردو تتحط في طاسه كده و تحطي عليها صويا صوص وطبعا المشروم واي حاجه انتي تشوفيها ممكن تضيفيها انا ممكن ارمي عليهم بردو اي حاجه موجوده في التلاجه زيتون ساعات بسله و ممكن تحطي معلقه دقيق فبيكون الصوص بتاعها تقيل زي البشاميل

5- ممكن المكرونه بالبشاميل بدل اللحمه المفرومه تحطي فراخ مسلوقه مع المشروم

6- المكرونه العاديه بدل الصلصه ممكن تعمليها بصلصه بيضا بالمشروم ودي بتبقى تحفه و خفيفه و اخف من الصلصه كمان

بصي بإختصار اي حاجه تمشي مع المشروم بس طبعا مش مع الاكل المسبك بتاعنا ده انا مرة حماتي عملت صنيه قرنبيط بالمشروم طبعا كانت غريبه بس والله اهو تغير ومش وحشه
و يارب اكون يعني اديتك شويه بدايات افكار
و احنا في الخدمه لو هندك اي سؤال